لاحظت كثيرا أن ....

السلام عليكم ورحمة الله وبركاته
وبدون مقدمات

لاحظت واكيد كثير من الاخوان لاحظ هذا الشيئ
من خلال الاختلاط ببعض البنغالية انهم يقولون أهلين مدير تفضل
ويبتسمون وأنا مستغرب ليش يقولي مدير ولا بعض الاحيان يقول
انت مدير كبير؟
لا والمشكلة ان كل البنغالية يقولون مدير
ولاحظت أنهم يرفضون إطلاقها عليهم " أنا مافي مدير "
وما عرفت السبب إلا عندما قرأت هذا الموضوع

قابلت استاذ باللغه هندي يترجم الأردو واللغه البنغاليه والهنديه
سألته وقلت له ابي اعرف اكثر من كلمة بنغاليه ممكن تترجمها
لي بالعربي ؟؟؟ وبقولك سالفتها بكل صراحه قلت له وش معنى
كلمة مدير بالبنغاليه ؟؟ (( نظر فيني وضحك والله العظيم ضحك ))
وقال لي لازم تعرف معناها ؟؟ قلت ايوه لازم بصراحه ضحكته زادت
الشك فيني والاستغراب وانواع الافكار والتعجب وش معناها ابي
اعرف لو ادفع كل اموال الدنيا ياناس وصلت مرحلة اني لازم اعرف
هالكلمة من اللي شفته من البنغاليه يقولونها ويضحكون ولا ادري
وش يضحكهم واللي مهبل فيني ليش كلهم متفقين على
كلمة وحده .. كلمة يامدير ليييييييش ابي افهم

قلت لا والله العظيم ما اطلع لو اتهاوش معك إلين تقول لي وش
معنى الكلمة ..... قال بقولك لكن لاتقول لاحد لان هالكلمة يمكن
مايقصدو الشتم والسب فيها لسعوديين او زبائنهم يمكن يقول مدير
من باب الأحترام لك والكلمة هذي باللغه العربيه مدير مافيها شي
والمتعارف عليها ان المدير هو الشخص المسؤول له منصب وتقدير
في المجتمع ،،، المهم ازعجني بكلامه وترقيعه لكلمة مدير قلت
لا خلصني ترى طولت وأنا انتظرك تكلم ...

تدرون وش معنااااااااها ؟؟؟؟؟؟

كلمة مدير بالبنغاليه يعني عزكم الله (( حمــــــــااار )) لا وحمار اصلي بعد

احنا حميير عند البنغاليه لو فكرت شوي اخوي المحترم ليش يقولك اهلين مدير ؟؟

يعرفك يعرف عن حياتك هل انت مدير او وزير او طيار او

مدرس او عاطل عن العمل إلخ ... لاحظو بأغلب المجمعات

والاسواق والمنتنزهات اللي فيها بنغاليه اول مايستقبلك

ويبي يضحك عليك يقولك على طول مدير تبي تعرف انو الكلمة هذي

يقصد فيها انك حمار مع احترامي لك رد عليه بأبتسامه او

ضحكه وقوله لا انت المدير ومدييييييييير كبيييييييييير بعد ..

وشوف ردة فعله شنو .. صدقني راح تشوف وجهه تغير واللي

حوله اصحابه البنغاليه راح تتغير نظراتهم لك ،،،

صحيح من عرف لغة قوم امن مكرهم
وحنا بصراحة طيبين وعلى نياتنا ولاندقق في مايقال لنا

منقووووول